Vilareali kërkon surprizën, Bajerni humbet edhe Roben

Mirë se vini në rrjetfaqen MIRDITA.COM
Përmbajtja e hasur këtu, mund të shfletohet lirshëm.
Për të shkruar dhe marrë pjesë në diskutime, duhet të keni një llogari dhe të identifikoheni.
Shpresojmë që prania juaj, të ndikojë në përmirësimin dhe pasurimin e faqes.
Krijoni një llogari
A

agroni

Vizitor
Vilareali kërkon surprizën, Bajerni humbet edhe Roben

TIRANE-Në takimin tjetër të grupit A, Vilareali do të presë në shtëpi Bajernin e Mynihut, në një sfidë tepër të rëndësishme për të dyja skuadrat. “El Madrigal” ka qenë gjithnjë një stadium i vështirë për të mëdhenjtë e Evropës, ndërsa Vilareali nuk ka humbur asnjëherë në shtëpi përballë ekipeve gjermane. “Bajerni e di që jemi një skuadër e mirë, kështu që pres një ndeshje të barabartë. Mendoj se nuk është reale që të themi se do të fitojmë 3-0”, tha trajneri i skuadrës spanjolle, Huan Karlos Garrido. Në krahun tjetër, Bajerni ka humbur edhe Arjen Roben për këtë transfertë. Klubi bavarez bëri të ditur se ai është i dëmtuar dhe nuk do të mund të përfshihet në ekip. Trajneri Jup Hajnkes, që ka drejtuar tre skuadra në Spanjë, deklaroi se Vilareali është një skuadër e rrezikshme dhe me një sulm të frikshëm. “Kanë tre sulmues të nivelit të lartë dhe që janë shumë të rrezikshëm”, deklaroi trajneri i rekordmenëve gjermanë.

(d.b/BalkanWeb)