Siri, Asadi përdorte pasword-in më idiot në botë, 1234

Mirë se vini në rrjetfaqen MIRDITA.COM
Përmbajtja e hasur këtu, mund të shfletohet lirshëm.
Për të shkruar dhe marrë pjesë në diskutime, duhet të keni një llogari dhe të identifikoheni.
Shpresojmë që prania juaj, të ndikojë në përmirësimin dhe pasurimin e faqes.
Krijoni një llogari
A

Antoni

Vizitor
Siri, Asadi përdorte pasword-in më idiot në botë, 1234

SIRI- Kur në shkurt të këtij viti, hakerat e opozitës siriane njoftuan se kishin arritur të futeshin në emailin privat që përdor diktatori sirian Bashar Al Asad dhe bashkëshortja e tij Asma, të gjithë mund të kenë menduar se grupi i piratëve informatikë duhet të ishte lodhur shumë për të gjetur paswordin e “padronit” të Sirisë pasi me shumë gjasa posta e tij elektronike duhej të ishte e super mbrojtur. Por duket se e vërteta nuk ka qenë aspak kështu. Paswordi për të hyrë në emailin e Asad ishte thjesht 1234.

Të paktën kështu thotë vetë hakeri Abdullah al-Shamri, i cili ka rrëfyer këto detaje gjatë një interviste për të përditshmen arabe Al-Hayat ku tregon se si ai dhe grupi i tij i hakerave arritën të hyjnë në postën elektronike të Asadit.

“Në fillim ekspertët informatikë provuan fjalëkalime tepër komplekse, duke tentuar të gjenin se kush ishte pasëordi i diktatorit në bazë të interesave të tij personale, apo datave të rëndësishme të jetës së tij, por asgjë, pas një jave hakerat nuk kishin arritur të infiltroheshin.

“Kishim përdorur qasjen e gabuar”- thotë hakeri al-Shamri, duke shtuar- po arsyetonim në mënyrë shumë inteligjente, ndaj vendosëm ta provojmë një herë si budallenj”- shton al-Shamri. Kështu falë edhe filmit “Spaceballs” , hakerat futen atë që njihet si kodi me idiot në botë 1234. Për cudinë e tyre, funksionoi dhe hakerat mundën që të spiunojnë për 8 muaj me radhë korrespondencën elektronike të diktatorit sirian. Por fatkeqësisht nuk mundën të gjejnë aty ndonjë zbulim aq të fortë sa për të rrëzuar regjimin, përvec faktit që bashkëshortja e presidentit Asma harxhon miliona euro me blerjet e saj të shtrenjta në internet.
(m.a/News24/BalkanWeb)