PS, koalicion të gjerë

Mirë se vini në rrjetfaqen MIRDITA.COM
Përmbajtja e hasur këtu, mund të shfletohet lirshëm.
Për të shkruar dhe marrë pjesë në diskutime, duhet të keni një llogari dhe të identifikoheni.
Shpresojmë që prania juaj, të ndikojë në përmirësimin dhe pasurimin e faqes.
Krijoni një llogari

Miri

Anëtar drejtues
2 Korrik 2012
247
2
864
PS, koalicion të gjerë
Nga mbledhja grupit parlamentar të Partisë Socialiste kreu i opozitës Edi Rama ka shpalosur vizionin e partisë më të madhe të opozitës, për zgjerimin e koalicionit të majtë përtej atij aktual, duke patur si bosht programin "Për një Rilindje Kombetare", siç tha Rama, për të gararuar dhe fituar zgjedhjet e 2013.
"Eshtë koha për të arsyetuar së bashku me aleatët tanë dhe të gjithë aleatët e tjerë potencialë, një proces bashkëpunimi dhe bashkërendimi të energjive dhe për të dalë në fushën e betejës me një koalicion të plotë, antiregjim dhe mbi të gjitha me një koalicion i cili të përçojë në të gjithë Shqipërinë vizionin dhe idetë e programit tonë “Për një Rilindje Shqiptare”. Programi ynë “Për një Rilindje Shqiptare” është graviteti i koalicioni që ne duam dhe do të ndërtojmë.
Eshtë koha për të arsyetuar së bashku me aleatët tanë dhe të gjithë aleatët e tjerë potencialë, një proces bashkëpunimi dhe bashkërendimi të energjive dhe për të dalë në fushën e betejës me një koalicion të plotë
Edi Rama
Çdo forcë politike që është e gatshme të bashkohet me ne mbi këtë program është e mirëpritur", tha Rama.
Kjo ftesë duket se shkon edhe në adresë të Lëvizjes Socialiste për Integrim, një parti e majtë, e cila pas zgjedhjeve të 2009-tës zgjodhi të jetë pjesë e koalicionit me PD, duke formuar maxhorancën qeverisëse.
Ndërkaq, kryesocialisti Rama ka zyrtarizuar qëndrimin e PS-së, në lidhje me çështjen e imuniteteve duke ritheksuar nevojën e ndërmarrjes së disa hapave paraprakë, siç edhe theksohen në letrën e një ditë më parë dërguar nga Gramoz Ruçi ambasadorëve dhe Kryetares së Kuvendit.
"Unë dje i kam dorëzuar Trojkës së Ambasadorëve vizionin e Partisë Socialiste për ndërhyrjen në Kushtetutë lidhur me imunitetin.Qëndrimi ynë është i qartë dhe është i palëkundur:Jemi dakord me nevojën për kufizimin e imunitetit dhe do ta votojmë kufizimin e imunitetit pasi të jetë realizuar një proces publik, transparent, gjithëpërfshirës, për ndryshimin e Kushtetutës. Nga ana tjetër, ne nuk do bëhemi pjesë e asnjë goditjeje të përqendruar për një arnim të ngutur kushtetues dhe as do të lejojmë, që kufizimi i imunitetit të bëhet shtysë për hapjen e një sezoni të ri gjuetie shtrigash në prag të zgjedhjeve të ardhshme", tha Rama.
Zoti Rama komentoi edhe ndryshimet e fundit në Kodin Zgjedhor.
"Zgjedhjet nuk i fiton Kodi Zgjedhor dhe as nuk i vjedh Kodi Zgjedhor. Zgjedhjet fitohen në fushën e betejës elektorale dhe po ashtu votat mbrohen në fushën e betejës elektorale. Ne na takon që mbi këtë bazë të përmirësuar ligjore të vazhdojmë të organizohemi më së miri në mënyrë që implementimi i Kodit Zgjedhor të jetë sa më në përputhje me ligjin. Dhe që gjithçka që është shkruar në ligj të respektohet në realitet.Mbeti e paadresuar për momentin çështja e sistemit zgjedhor. Ne kemi pasur qëndrimin tonë shumë të qartë qysh në krye të herës. Kemi qenë dhe jemi për rishikim të sistemit, por e kemi thënë dhe i kemi qëndruar deri në fund asaj që e kemi thënë qysh në fillim se nuk do të kushtëzojmë procesin e rishikimit të kodit me sistemin", tha Rama.
http://24-ore.com