Nuk ka asgjë më të rrumbullaktë se Dielli

Mirë se vini në rrjetfaqen MIRDITA.COM
Përmbajtja e hasur këtu, mund të shfletohet lirshëm.
Për të shkruar dhe marrë pjesë në diskutime, duhet të keni një llogari dhe të identifikoheni.
Shpresojmë që prania juaj, të ndikojë në përmirësimin dhe pasurimin e faqes.
Krijoni një llogari

Miri

Anëtar drejtues
2 Korrik 2012
247
2
864
Nuk ka asgjë më të rrumbullaktë se Dielli

MILANO – Asgjë në natyrë, të paktën në atë që njohim deri tani, është më e rrumbullaktë se Dielli. Ylli ynë, në fakt, është sfera natyrale më e përsosur që njihet. Kjo rezulton nga matjet e fundit që janë kryer prej shkencëtarëve të Universitetit të Havajit, falë të dhënave të sondës Solar Dynamics Observatory të Nasa-s, të publikuara në numrin e fundit të Shkencës.

Ndryshimi mes diametrit të matur në ekuator dhe në pol është vetëm 10 kilometra: fare pak ky, nëse konsiderojmë që diametri mesatar i Diellit është 1,4 milionë km. Nëse Dielli do të ishte si një top i madh me diametër 1 metër, ndryshimi mes dy diametrave (polar dhe ekuatorial) do të ishte i barabartë me 17 të mijtën e milimetrit, shumë më pak se një fije floku. Duke qenë një trup i gaztë, shkencëtarët prisnin që rotacioni i Diellit të paraqitej me një fryrje në ekuador, siç ndodh në Tokë apo edhe më tepër në Jupiterin e përbërë kryesisht nga gazi.

Zbulimi mund të sqarojë disa mekanizma dinamikë të brendësisë së Diellit, me shtresa të cilat lëvizin me shpejtësi të ndryshme; veçanërisht ajo më në brendësi do të dukej se rrotullohej me shpejtësi më të vogël se sa ajo e parashikuar, me gjasë për shkak të turbullirave.