Lajçak: Marrëveshja Serbi-Kosovë e realizueshme

A

Antoni

Vizitor
Lajçak: Marrëveshja Serbi-Kosovë e realizueshme

“Marrëveshja ndërmjet Serbisë dhe Kosovës është e realizueshme dhe është e vetmja rrugë e mundshme drejt rregullimit të situatës në rajon, si dhe përparimin e Serbisë dhe Kosovës drejt BE-së”,-kështu ka deklaruar këshilltari special i BE-së për Ballkanin Perëndimor dhe Ministër i Punëve të Jashtme të Sllovakisë, Mirosllav Lajçak.

Lajçak ka theksuar se serbëve në Kosovë u duhet dhënë një mbrojtje e caktuar institucionale, në kuadër të zgjidhjeve gjithëpërfshirëse.

Lidhur me mosmarrëveshjet rreth veriut dhe bashkësisë së komunave serbe, Lajçak shprehet i sigurt se ekziston diçka ndërmjet kësaj. “Pra duhet të ekzistojë një mbrojtje institucionale, por ajo nuk mund të jetë e keqpërdorur për bllokadë”-tha ai.

I pyetur nëse beson në normalizimin e marrëdhënieve mes Beogradit dhe Prishtinës, Lajçak është shprehur: “Besoj në normalizimin e marrëdhënieve, sepse forcat kryesore politike e kuptojnë se ajo është e nevojshme. E kuptojnë se normalizimi është diçka që do të thotë fitore, edhe për njërën edhe për tjetrën palë”,-tha Lajçak.

Sa i përket pozicionit të vendit të tij, Lajçak tha se Sllovakia nuk e njeh Kosovën, mirëpo ajo njeh perspektivën evropiane për tërë rajonin e Ballkanit Perëndimor.

Ai konsideron se është në interes të të gjithëve që tërë rajoni të ecë drejt vlerave të njëjta, dhe që sundimi i ligjit të respektohet gjithkund në masë të njëjtë.

“Pandaj ne, dhe jo vetëm ne, por të gjitha shtetet anëtare të BE-së kanë mbështetur konkluzionet e Këshillit të Evropës nga dhjetori i kaluar, sepse janë perspektivë evropiane edhe për Kosovën”,- ka përfunduarLajçak.

/Shekulli Online/Përgatiti: B.M./
 
Sipër