Kritikë Jo fjala sofër dhe jo gjuha e Kosallarit në portalet e Mirditës

[Munella]

Jo fjala sofër dhe jo gjuha e Kosallarit në portalet e Mirditës

Ju lutem hiçeni fjalën "sofra"

Fjala sofër aspak nuk shkon tek e folmja e Mirditës. Kët fjalë tua lamë n'përdorim të gjitha atyne krahinave që ju nënshtruen turkut. Në qoftë se t'parët tonë, nji copë dërrase t'rrumbullakët i kanë thanë sofër ne mirditorët e rij duhet ta hjekim prej fjalorit mirditor ket turcizëm t'flliçtë. Ne duhet të ulemi rreth tryezave si gjithë Europa e jo rreth sofrave sikur turqit e arabët. Pra, jo sofra mirditore, por TRYEZA MIRDITORE.
E në qoftë se kjo façe i dedikohet Mirditës atëherë duhet të shkruajmë e të shprehemi në GEGNISHTEN LETRARE ashtu si janë shprehë edhe mirditorët e ndritun: Nikoll Kaqorri, Gjon Marka Gjoni, ABAT DOÇI, Gjergj Fishta, Shtjefen Gjeqovi e shumë e shumë të tjerë. Ishte mirditori ABAT DOQI që themeloi Shoqninë Bashkimi dhe shoqnia Bashkimi në krye me Pater Gjergj Fishtën e themeluen alfabetin. Dhe mirditorët dhe të gjithë veriorët ishin ata që në vitin 1916, themeluen KOMISINË LETRARE ku u vendos që si gjuhë nacionale, GJUHË LETRARE të mirret e folmja e Elbasanit me të cilën u shkruen t'gjitha librat deri tek kongresi shkatrrimit që u mbajtë n'vitin 1972 e ku si gjuhë letrare u vendos e folmja e kosallarit.

PRA, JO FJALA SOFËR DHE JO E FOLMJA E KOSALLARIT NË PORTALIN E MIRDITËS.

 

[Miri]

Ky portal nuk ben dallime ne terme apo ne te folur. Kushdo mund te shprehe mendimin e tij ne gjuhen shqipe, qofte gjuha ne dialekt apo zyrtare. Pra kjo faqe eshte si nje pike takimi per mirditoret por edhe per ata qe nuk jane mirditore dhe duan qe te bashkohen dhe te shprehin mendimet e tyre ne faqe.
mirdita.com nuk eshte nje faqe ekstremiste por nje faqe me nje horizont te gjere dhe qe deshiron perparesim, komunikim, mendim te gjithanshem e qe respekton te drejtat e te gjitheve.

Fjala sofer eshte e perdorur si send dhe si term ne gjithe mirditen.

 

[Miri]

Por nuk e mohoj qe eshte kenaqesi teper e madhe kur te lexoj permajtjet ne Gegerisht.

 

[Munella]

Fjala sofer eshte e perdorur si send dhe si term ne gjithe mirditen.

Këte e di edhe unë, por mirditorët e rij duhet me e hjekë kët fjalë prej përdorrimit. Mirdita duhet të ulet rreth tryezës europiane e jo rreth sofrës turkoarabe. Hjekja e ksaj fjale prej fjalorit mirditorë nuk asht kurrfar ekstremiteti, por vetëm nji pastrim i t'folmës mirditore. Unë nuk jam ekstremist, por vetëm e dua Mirditën se jam mirditor.
Forumi n'radhë t'parë u dedikohet mirditorëve dhe unë mendova se do ta jap kontributin tim që bashkë me ju ta ngrisim kët portal në nji nivel të naltë publicistik që edhe t'gjithë lexuesit shqiptarë që n'dukjen e parë ta marrin vesh se këtu kemi t'bajmë me nji portal ku shkruejnë mirditorët e të inkuadrohen edhe ata, por e shof se nuk shkon ma andej. M'vjen keç me humbë ma tepër kohë se nuk jemi t'nji mendimi e as t'nji niveli. Përshëndetje vllaznore,
Ju ndihmoftë Zoti edhe pa mue.

 

[Miri]

Më vjen keq qe u ka ngelur hatri dhe u falënderoj për fjalët e mira që keni shprehur sidomos ''nuk jemi t'nji niveli''.
Nëse ndryshoni mendim jeni gjithmonë i mirëpritur.
Gjithë të mirat.

 

[Antoni]

E në qoftë se kjo façe i dedikohet Mirditës atëherë duhet të shkruajmë e të shprehemi në GEGNISHTEN LETRARE ashtu si janë shprehë edhe mirditorët e ndritun: Nikoll Kaqorri, Gjon Marka Gjoni, ABAT DOÇI, Gjergj Fishta, Shtjefen Gjeqovi e shumë e shumë të tjerë.

Do të ishte fantastike por është e pamundur. Psh të mos pranojmë një mirditor që për arsye jetë dhe studimesh ka folur dhe mësuar vetëm në gjuhën letrare? Pra është e pamundur që të vendosësh rregulla te tilla në një faqe publike. Ndërsa për fjalën sofër mund të diskutojmë e vendosim së bashku.

M'vjen keç me humbë ma tepër kohë se nuk jemi t'nji mendimi e as t'nji niveli. Përshëndetje vllaznore,
Ju ndihmoftë Zoti edhe pa mue.

Ka qenë kënaqësi të lexoj postimet tuaja. Dua të lexoj akoma më shumë nga ju në këtë portal Së shpejti

 

[Joni]

Per sa i perket fjales sofer une nuk jam i mendimit qe te hiqet, sepse eshte nje fjale qe vashdon qe te perdoret jo vetem ne jeten ton te perditshme por edhe drejt gjuhes letrare. Tani kemi edhe nje nderhyrje nga ana e Konferences Ipeshkvnore te Shqiperis, te cilet po punojne me mjaft koherence tek Mesharik Romak qe eshte ne pritje te miratimit perfundimtare, i cili do te mundesoje sa me shpejt perdorimin e terminologjise teologjike ne gjuhen shqipe, e beshkendar dhe e njohur ne te gjitha dioqezat shqipfolese te Shqiperise, Mal te Zi dhe kosoves. Nga kjo kemi edhe zevendesimin e fjales TRYEZE qe gjendet tek meshari qe eshte tani ne perdorim me fjalen SOFER. Ne duhet qe te jemi te hapur dhe universal qe te mos shkojme kundra rrymes, dhe mos te hyjme ne guacken e mentalitet qe ne kemi sot, sepse eshte nje mentalitet i sistemit qe udhehoqi per pesdhjet vite me radhe. Ku per pesdhjet vite beri ate cka turku per pese shekuj nuk arriti qe ta bente. Nuk dua qe te paragjykoi askende, por duhet qe te jemi trasparent me realitetin qe ne sot jetojme...

 

[Munella]

Përshëndetje Fatjon Marku,
me qenë se u paraqite me emën e mbiemën po t'përgjigjem edhe unë. Së parit unë nuk di se për cilën gjuhë letrare flet ti. Së dyti, unë nuk di se sa gjuhëtarë ka n'Koferencën Ipeshkvnore t'Shqipnisë dhe sa e njofin ata "gjuhën letrare" Për mendimin tim, n'Shqipni nuk ka gjuhë letrare, por gjuhë kosallare që ka ndikue tek mirditorët t'mos dinë me folë ma shqip. Imzot Rrok Mirdita dhe e gjithë Konferenca Ipeshkvnore e Shqipnisë mbajnë nji përgjegjsi kombtare se asnji herë dhe me as edhe nji fjalë t'vetme nuk e denuen kongresin e shkatrrimit t'gjuhës t'vitit 1972, i cili i shpalli mirditorët e t'gjithë veriorët malokë ei shndrroi në gjysëmanalfabet dhe GJERGJ FISHTËN, Homerin shqiptarë e bani t'pa kuptueshëm për shqiptarët.
Mirditorët kanë dy libara t'shejtë. UNGJILLIN DHE KANUNIN. Ungjillin ua denuen me ligj kurse mbasi hodhën baltë e vnerë mbi kanunin ate e banë edhe t'pa kuptueshëm përmes gjuhë së kosallarit.
Në qoftë se del noj i çmendun dhe fjalën tryezë e zevendson me fjalën sofër atëherë tek shqiptarët, lirisht mundet me u zavendsue edhe Jezu Krishti me luciferrin.

Ne duhet qe te jemi te hapur dhe universal qe te mos shkojme kundra rrymes, dhe mos te hyjme ne guacken e mentalitet qe ne kemi sot, sepse eshte nje mentalitet i sistemit qe udhehoqi per pesdhjet vite me radhe. Ku per pesdhjet vite beri ate cka turku per pese shekuj nuk arriti qe ta bente. Nuk dua qe te paragjykoi askende, por duhet qe te jemi trasparent me realitetin qe ne sot jetojme...

Vetëm hidhi nji sy e shif se si je shprehë, aç vrazhdë e me aç gabime sepse je mundue me folë me nji gjuhë false. Me nji gjuhë që s'ia di as sintaksën e as morfologjinë. Je shprehë njashtu si ndonji i huaj që ka fillue me e msue Gjuhën Shqipe. Lexoje me vemendje ate që ke shkrue dhe do t'bindesh edhe vet se edhe ti hyn në radhën e atyne veriorëve që me gjithë dhunën e terrorin që përdorën komunistat për me ua msue at gjuhë prapseprap nuk ia arritën çëllimit.

Edhe unë jam kunder çdo mbylljeje, por jam për kthimin e Mirditës tek vlerat kulturore europiane prej të cilave me dhunë e terror e ndanë komunistët. Pra, të hapet Mirdita, jo drejtë kulturës turkoarabe, por europërendimore. Mirdita nuk asht Europë vetëm pse asht e kshtenë ajo duhet t'jetë Europë edhe me t'gjitha gjanat tjera.

 

[Miri]

Vetëm hidhi nji sy e shif se si je shprehë, aç vrazhdë e me aç gabime sepse je mundue me folë me nji gjuhë false. Me nji gjuhë që s'ia di as sintaksën e as morfologjinë. Je shprehë njashtu si ndonji i huaj që ka fillue me e msue Gjuhën Shqipe.

Ju Lutemi z Munella të mos ofendoni njeri në forum. Përsa i përket gabimeve edhe ju i madhi z Munella gaboni shpesh fjalët lidhëse dhe shkronjën Ç me shkronjën Q. Por nuk jemi këtu për te diskutuar rrjedhën drejtshkrimore te gjuhës shqipe.
Në rast se doni te bashkendani idetë në këtë faqe jeni shumë i mirëpritur, përndryshe do te kaloni tek kategoria e ndaluar për ofendim.
Zakonisht gabimet drejtshkrimore nëpër format e teksteve ndodh edhe nga korrigjimi automatik i shkrimit, sidomos aty ku jemi të detyruar që të shkruajmë me T9

 

[Miri]

Për transparencë njoftoj që tema te verifikohet nga moderatorët në mënyrë që të mos ngjalli debate kundra rregullores se forumit. Gjithashtu të shqyrtojnë edhe pozicionin e z. Munella

 

[Munella]

Moderator i nderuem,
Unë as s'kam qenë as s'jam dhe kurrë s'do t'jemë ekstremist e asgja tjetër çka mbaron me IST. Zotni Markun unë me asgja nuk e kam fye, por e kam fye gjuhën e kosallarit që për fat t'keq nuk ka mujtë me e msue as Marku e as t'gjithë Veriu tuj përfshi këtu edhe t'gjithë Kosovën.
Rastësisht e pata gjetë ket faqe mirditore dhe m'pat pëlqye për temat që trajton megjithse gadi t'gjitha i kam pas lexue edhe ma parë. Pata mendue se jam ba antar i noj forumi mirditor dhe as që m'ka shkue ndërmend se pikrisht qenkam antarsue me noj forum t'Skraparit apo t'Kurveleshit. Prandaj banje mirsinë që ashtu si edhe m'keni regjistrue poashtu m'fshini mue edhe me t'gjitha shkrimet e mia të deritashme krejtsisht prej ktij forumi.

p.s. S'kam pas kurrfar qëllimi me e fye as zotni Markun e askend tjetër, por n'kjoftë se zotni Marku asht gjetë i fyem prej meje. Atëherë unë i kërkoj falje publikisht. Edhe ashtu prej sodit do t'jemë i përjashtuem dhe do ti kemë dyertë e mbylluna të ktij forumi.
T'gjithë t'mirat.

 

[Miri]

Sinqerisht do te me vinte keq nëse do te largoheshit nga ky forum. Nëse u ka ngelur hatri për fjalën ekstremist edhe une u kërkoj falje publikisht. Nuk e kam përdorur si një koncept individual por ne një koncept te gjerë te fjalës.
Dua që gjithashtu tu bëj të ditur qe Skrapari dhe Kurveleshi nuk kane asnjë faj dhe ne jemi përgjegjës per çka shkruajmë me dorën dhe me mendjen tonë.
Siç e dini mund te debatohet edhe pa drejtuar gishtin kundrejt askujt.
Lutemi që te shqyrtoni kërkesën tuaj per eliminim dhe të ulemi si burrat duke mënjanuar inatet.
Pres një përgjigje nga ana juaj.