Gjykata e Lartë shpall të papërdorshme videon Prifti-Beqiraj

A

Antoni

Vizitor
Gjykata e Lartë shpall të papërdorshme videon Prifti-Beqiraj

TIRANË- Gjykata e Lartë rrëzoi sot provën kryesore të prokurorisë lidhur me çështjen "Prifti- Beqiraj". Gjykata e Lartë e shpalli sot të papërdorshme videon e xhiruar nga ish-ministri i Ekonomisë, Dritan Prifti, ku shfaqej vetë ai me vartësin e tij Leonard Beqiraj duke ndarë para mes tyre. Vendimi është marrë me shumicë votash nga Kolegji Penal në Gjykatën e Lartë.

Në seancën e zhvilluar paraditen e së hënës, prokurori i çështjes, Bujar Sheshi, kërkoi që video kundër dy- ish zyrtareve, të shfaqej me cilesine e proves para Gjykatës. Ndërkohë që pala mbrojtese, duke kundërshtuar prokurorinë, i kërkoi Gjykatës deklarimin e videos të papërdorshme, me pretendimin se ajo ishte administruar në shkelje të ligjit nga akuza.

Pasi dëgjoi palet, trupi gjykues, i përbërë nga pesë gjyqtarë, me shumicë votash vendosi që të shpallë videon të papërdorshme në këtë proces, duke rrëzuar në këtë mënyrë provën e vetme të prokurorisë. Në kushtet e reja të krijuara pas vendimit të Gjykatës, prokurori Sheshi kërkoi kohë për të përgatitur hapat ligjore që do të ndërmarrë lidhur me procesin.

Nga ana tjeter, për avokatin e Dritan Priftit, Fatmir Braka, me rrëzimin e provës së prokurorisë, ky proces duhet të pushohet. Seanca gjyqësore e radhës ndaj çështjes Prifti-Beqiraj pritet të mbahet më 14 shtator.

Ish- ministri i Ekonomisë, Dritan Prifti dhe ish zv/ministri i kësaj ministrie, Leonard Beqiraj, akuzohen për korrupsion pas publikimit në media të një videoje të fshehtë, ku ata shfaqeshin duke ndarë një sasi te konsiderueshme parash me njëri-tjetrin.

Videoja mes Dritan Priftit dhe Leonard Beqirajt u zbulua në shkurt të vitit 2011 nga eksperti amerikan që mori në dorëzim kompjuterin e ish-ministrit të Ekonomisë, ndërsa kryente ekspertizën për origjinën e videos Meta-Prifti.

(ma.ar/BalkanWeb)
 
Sipër