Flalë të urta për budallën

Munella

Anetar Fillestar
Mbas tregimeve t'lodhshme mbi smundjet asht koha edhe t'qeshim pak.
  • Mos u kasaveto se edhe mbas vdekjes sate, në botë ngelin edhe shumë budallë t'jerë
  • Me konopin e budallsë kurrë mos u l'sho me noj gropë
  • Mutin, budallën dhe zjarmin s'duhet mej trazue
  • Badallve e fmijve s'duhet m'ju dhanë t'gjitha gjanat se i lypin
  • Budalltë shpejt i konsumojnë rezervat e tyne
  • T'gjitha t'mirat e t'marrëve mundesh mej ngarkue vetëm me nji deve
  • Prej t'marrit edhe huti n'shkreti ka ik
  • Mullinin e budallsë vet Zoti e sjell
  • Budallën e pasunon edhe shpresa
  • Tek budalltë edhe andrrat janë budalli
  • Budalla asht aktiv n'tgjitha punët e tjerve vetëm n'punën e vet jo
  • Budalla i arsimuem asht ma budallë se budalla i pa shkollë
  • Nji ditë t'mirë e kishte ai që e pastroi shpien e tij prej budallëve e prej noj t'dehuni
  • Ma lehtë t'vjen me e rrotullue gurin n'përpjetze se sa me bisedue me noj budallë
  • N'tubimin e budallve gjithmonë gjinet shkaku për rrahje
  • Me thi e me t'marrë asht shumë vështirë me udhëheq
  • Sejcilit budallë, kumbona e tij i tingllon ma s'bukukuri
  • Ma mirë me pas punë me total budallë se sa me gjysëbudallë
  • N'kalendarin e budallve gjithmonë ka ditë me shi.
  • Për budallën çdo gja asht e mundshme
  • Ai që e ka ftue budallën ne ndeje do t'ketë mysafir t'sigurtë
  • Edhe n'qoftë se e mbështjell budallën me pambuk përseri do t'ja ndigjoshë zanin e kumbonsë gjatë rrotulimit
  • Budallës asgja si mungon përveç arsyjes
  • I marri nuk i pengon edhe aç shumë të tjerve aç sa i pengon vetvetes
  • T'marrve edhe gzimet u duken budalli
  • Me e msue nji budallë asht e njejtë sikur me e shërue nji t'dekun
  • Për me e shërue nji budallë t'duhet nji budallë e gjysë
  • Tek budalla çdo ditë asht Bajram
  • Nji ditë t'marrë mundesh me e anashkalu por prej nji budalle s'mundesh me shpëtu
Ka pesë shenja për me e zbulue budallën:
  1. Budalla shumë lehtë idhnohet
  2. U jep dhurata atyne që s'e meritojnë
  3. Preokupohet mbas gjanave t'pa vlerë
  4. S'e dallon mikun prej anmikut dhe
  5. I zbulon t'gjitha sekretet, t'vetat dhe të tjerve.
  • Budalltë janë t'menqëm vetëm nëpër prralla
  • Kur ta marrësh budallën n'barkë, ulu n'çoshkun e barkës
  • Nuk asht budallë ai që asht ulë n'çardak, por budallë asht ai që i ka ndihmue për me u ul aty
  • Ai që asht bashkue me budallën asht largue prej mendve
  • Nuk asht budallë ai që asht budallë, por asht budallë ai që bashkpunon me te
  • Budalla i hjedh dhjetë para n'gropë mandej jep katerdhjetë t'tjera për mej nxjerrë ato t'dhjetat
  • Budalla asnjiherë se le zjarmin t'qetë
  • Vetëm budalla kërkon mjalt n'kosheren e grezave
  • Kur budalla e ka pallton krejtsisht t're nuk e ndin vehtën t'qetë derisa nuk ia qep noj harrën ndokund
  • Budalla e njef hithin vetëm kur ta prek me gishta
  • Kur budalla ka vetëm nji enë me mjalt ban përpjekje me e ambëlsue t'gjithë Moskën
  • Krejtsisht njejtë budalla e fyen ate që e ka sjlellë n'klub dhe ate që e ka nxjerr prej tij
  • Kur takohen dy budallë jepju o Zot për me mbet gjallë
  • Nuk ka vend për dy budallë mbi nji magar
  • Budalla gjithmonë e gjenë budallën tjetër të cilin e admiron
  • Kur nji budallë bashkohet me nji tjetër budallë s'ka sakicë se mundet mej nda
  • Budallve sejcili budallë i duket i menqëm
  • Budalla gjenë budallën edhe nthellsinë e territ t'natës
  • Edhe kur guri mullinit nuk leviz budalla e di se ka asht tuj frye veriu
  • Budallës as Meka s'i duket larg
  • Shumë naltë rriten trendafilat e budallve që ujiten vetëm me lavdërime
  • Vetëm lavdoje ate që do me ia zbulue t'gjithë budallinë
  • Kur budalla fillon mej përqeshë të tjerët, t'gjithë fillojnë me qeshë me budallën
  • Sa ma shumë t'ketë budallë aç ma shumë do t'ket gaz
  • Budalla nuk qesh me ate që e shef, por me ate që e ka n'mend
  • Po mos ta hanin budalltë, buka s'kish me kushtue shumë
  • Gjarpnijtë zinën vetëm me duartë e budallve
  • Budallën e rrahin edhe kur asht tuj pa meshë
  • Buka e budallsë hargjohet ma e para
  • Budalltë t'gjithve u shërbejnë
  • Me budallë ndertohen rrugtë
  • Pulës budallsë nuk i nevojitet knusi
  • N'krye t'budallsë t'gjithë msohen me rrue
  • Budalla edhe n'haremin e sulltanit vdes i virgjër
  • Kur budalla del n'pazar, tregtartë i fërkojnë duartë.
  • Mej nxjerrë mentë n'pazar, vetëm budalla shkon ej blenë t'vetat
 
Sipër