Dylbitë e reja të ushtrisë përcaktojnë rreziqet

Mirë se vini në rrjetfaqen MIRDITA.COM
Përmbajtja e hasur këtu, mund të shfletohet lirshëm.
Për të shkruar dhe marrë pjesë në diskutime, duhet të keni një llogari dhe të identifikoheni.
Shpresojmë që prania juaj, të ndikojë në përmirësimin dhe pasurimin e faqes.
Krijoni një llogari
A

Antoni

Vizitor
Dylbitë e reja të ushtrisë përcaktojnë rreziqet


Dylbitë e reja në luftë do t’i lejojnë ushtarët të përcaktojnë lëvizjet e armiqve nga disa kilometra larg, duke përdorur mendimet e tyre që janë të lidhura me një kompjuter.

Pasi kanë qenë nën zhvillim e sipër nga Agjencia e Projekteve të Përparuara të Mbrojtjes(DARPA) që nga viti 2007, Sistemi i Teknologjisë së Paralajmërimit të Hershëm (CT2WS) me nofkën “Dylbitë e Luke Skywalker-it” sipas dylbive të përdorura në filmin “Star Wars”, ato lexojnë valët e trurit me anë të një aparature, të cilën e vendosin ushtarët.

Një kompjuter skanon një fushë 120 shkallë dhe dërgon imazhe të kërcënimeve të mundshme në kompjuter për t’u shqyrtuar nga ata. Kur shikojnë imazhet, sistemi monitoron valet e trurit P-300, që tregojnë njohjen.

Edhe nëse ushtarët nuk e kuptojnë këtë veprim, truri i tyre mund t’i identifikojë objektivat në heshtje dhe sistemi mund ta kapë atë.

DARPA thotë se sistemi CT2WS ka mundur të kapë 91% të kërcënimeve në testimin e tij. Për më tepër, agjencia njofton se sistemi ka parandaluar alarmet e rremë.

Tani që dylbitë kanë vërtetuar të jenë efektive, teknologjia është dorëzuar në Laboratorin e Ushtrisë për Pajisjet e Natës për zhvillim të mëtejshëm.

Kamerat dixhitale të 2036 do të fusin këtë teknologji në shfrytëzim për kapjen e momenteve të përsosura pa u menduar fare.

(a.k/indeksonline/BalkanWeb)