Derdhi rërën e maces, italiani i thyen këmbën shqiptarit

Mirë se vini në rrjetfaqen MIRDITA.COM
Përmbajtja e hasur këtu, mund të shfletohet lirshëm.
Për të shkruar dhe marrë pjesë në diskutime, duhet të keni një llogari dhe të identifikoheni.
Shpresojmë që prania juaj, të ndikojë në përmirësimin dhe pasurimin e faqes.
Krijoni një llogari
V

Veptima

Vizitor
Derdhi rërën e maces, italiani i thyen këmbën shqiptarit

Një shqiptar teksa po shpërndante fletëpalosje publiciteti derë më derë, në Rescaldina të provincës së Milanos, pa dashje ka shkaktuar derdhjen e një qeseje me rërë për macet përpara një banese.

Kjo gjë ka shkaktuar reagim të ashpër të të zotit të shtëpisë, i cili nuk ka ngurruar të marrë një çekiç e të godasë “fajtorin” duke i shkaktuar plagë të rënda.

Agresori është një 22-vjeçar, tashmë i arrestuar nga karabinierët për plagosje, njofton portali Shqiptari i Italisë.

I plagosuri është një 60-vjeçar shqiptar që e fiton bukën me punë të rastësishme si shpërndarja e fletëpalosjeve të publicitetit.

Nisur nga të dhënat e dëshmitarëve dhe të vetë viktimës karabinierët thanë se, i riu i është vërsulur të moshuarit sapo ka parë rërën të derdhur përpara derës së shtëpisë. Gjatë grindjes ka hyrë në shtëpi, ka marrë një çekiç dhe ka goditur me forcë 60-vjeçarin, duke i shkaktuar plagë të rënda.

I riu, ka pranuar para karabinierëve se e ka goditur të moshuarin, por është justifikuar duke thënë se edhe 60-vjeçari e kishte sulmuar.

Aktualisht italiani gjendet në burgun San Vittore të Milanos me akuzën e shkaktimit të plagëve të rënda.

/Shekulli Online/Përgatiti: B.M./