Berat, arrestohet 54-vjeçari, ia vinte zjarrin pyjeve për “hobi”

Miri

Anëtar drejtues
Berat, arrestohet 54-vjeçari, ia vinte zjarrin pyjeve për “hobi”


BERAT – Një 54-vjeçar nga Berati është arrestuar nga policia, pasi akuzohet për zjarrëvënie të qëllimshme në pyje e kullota në të gjithë qarkun. Blutë kanë vënë në pranga 54-vjeçarin Xhezmi Aliu, banues në fshatin Malinat të rrethit të Beratit. Sipas provave të grumbulluara nga policia në vendngjarjet e disa zjarreve, Xhezmi Alium, rezulton të jetë autori i zjarrit të rënë në faqen kodrinore të Kalasë së Beratit, ku u dogj një sipërfaqe prej 3 ha me shkurre e barishte dhe ku u rrezikuan seriozisht shtëpitë muzeale të kësaj lagjeje dhe shekullore që ndodheshin në këtë territor.
Policia tha se 54-vjeçari ia vinte zjarrin pyjeve dhe kullotave për “hobi”, pasi ai është autor i disa zjarrvënieve të tjera të qëllimshme.
Ndërkaq gjatë paradites së sotme, policia ka arrestuar edhe një tjetër zjarrvënës në Tepelenë. Ai është Xhevair Muçaj, 49-vjeç. Muçaj i kishte vënë zjarrin bimësisë prapa banesës së tij dhe si pasojë e erës së fortë zjarri i ka dalë nga kontrolli duke u përhapur dhe dogji rreth 20 hektarë pyll e kullotë.
21.08.2012
Burimi: Gazeta Shekulli
 
Sipër