“Topi i Artë” 2011, ja për kë votuan shqiptarët

Mirë se vini në rrjetfaqen MIRDITA.COM
Përmbajtja e hasur këtu, mund të shfletohet lirshëm.
Për të shkruar dhe marrë pjesë në diskutime, duhet të keni një llogari dhe të identifikoheni.
Shpresojmë që prania juaj, të ndikojë në përmirësimin dhe pasurimin e faqes.
Krijoni një llogari
M

martini

Vizitor
“Topi i Artë” 2011, ja për kë votuan shqiptarët

TIRANE-Mediat ndërkombëtare u kanë kushtuar një rëndësi të veçantë votave për “Topin e Artë” 2011, pas publikimit të listës nga FIFA.

Për shkak edhe të mungesës së trajnerit të kombëtares në momentin që u bë votimi, për Shqipërinë ka votuar Xhemal Mustedanagiç, ish-ndihmësi i Kuzhe. Ai ia dha vendin e parë Kristiano Ronaldos, ndërsa të dytin Erik Abidal dhe të tretin Lionel Mesit. Gazetari shqiptar i akredituar në France Football, Besnik Dizdari, ka votuar për Mesin, Ronaldon dhe Diego Forlan. Ndërkohë, kapiteni Lorik Cana ka votuar për Mesin, Ronaldon dhe Ksavin. Sa u përket të tjerëve, bie në sy se Zllatan Ibrahimoviç ka lënë pas kontradiktat me Pep Guardiolën, duke e zgjedhur atë trajnerin e vitit, ndërkohë që Samuel Eto ka qëndruar besnik i Murinjos. Votimi ka futur në një kategori trajnerin italian Xhovani Trapatoni me ata të Butanit, Burundit, dhe të Ishujve Salomon, duke mos e përfshirë fare Leo Mesin në votat e tyre. Trajneri i Portugalisë Paulo Bento dhe kapiteni Nunjo Gomesh kanë vendosur në dy vendet e para portugezët Kristiano Ronaldo dhe Luis Nani..
Në lidhje me shifrat, Mesi e ka fituar Topin e Artë me një përqindje të frikshme, 47,88 % e votave, kuota më e madhe e arritur ndonjëherë. Ronaldo ka arritur 21,6 % dhe Ksavi vetëm 9,23 %.
Barcelona, ndërkaq, është ngjitur në kuotën e 9 “Topave të Artë” të fituar nga futbollistët e saj, duke thyer kështu rekordin e Juventusit dhe të Milanit. Ndërsa Pep Guardiola ka marrë 41,92 % të votave për trajnerin më të mirë, duke lënë pas Ferguson me 15,61 dhe Murinjon me 12,43 %.

(d.b/BalkanWeb)